為何勿 DIY 修補玻璃 · 百威 Broadway

常行駛高速公路嘅朋友都知道，擋風玻璃好容易被石仔打中，輕則崩一小點，重則出現裂痕。呢個時候就需要修補玻璃，但究竟應該搵專業修補公司，定係自己買套裝 DIY 呢？

近年市面上充斥大量 DIY 修補套裝，網上亦有好多教學影片，看似好簡單、好有效。但事實係點？我哋用 30 年專業經驗，同你逐一拆解。

修補玻璃嘅初步概念

簡單嚟講，修補玻璃就係要將材料 100% 灌注入裂痕。首先我哋要用電鑽喺撞擊點開一個直徑約 1mm 嘅灌注口，然後放入專業液態玻璃，再用高壓工具加壓，令材料由灌注口進入裂痕，灌滿後硬化材料，最後拋光表面。

材料只能停留喺玻璃表面，無法滲入裂痕內部。表面睇似補咗，實際結構強度同透光度都唔達標。

經專業電鑽開出 1mm 灌注口後，高壓工具將液態玻璃完整注入每一條裂紋，達致 100% 灌注，結構同視覺同步回復。

重點：灌注口係成個修補過程嘅靈魂。冇灌注口，材料根本入唔到裂痕裡面。

DIY 套裝只提供鐵針，用嚟清理撞擊點表面，但根本做唔到直徑約 1mm 嘅灌注口。冇灌注口，材料根本無法進入裂痕內部。

就算你自行用電鑽，每種裂痕對灌注口深度要求都唔同。電鑽運作時產生高熱同震盪，稍一不慎，整塊玻璃隨時碎裂，得不償失。

DIY 套裝嘅材料光學折射率差，硬化後容易泛黃，而且冇專業加壓工具，材料根本灌不滿裂痕，視覺效果同結構強度都大打折扣。

我哋每日都會收到類似查詢：車主話曾經 DIY 或者光顧過一些不明人士，但修補效果唔理想，希望我哋再幫佢修補。因為佢哋根本唔想修補成功。店員會用最求其嘅方式進行修補 — 灌注口開得唔夠深、材料品質差、加壓不足、硬化時間不夠。結果係：裂痕仍然好明顯，視覺效果強差人意，你自然唔會願意付修補費。

但可惜嘅係，入口已被第一次修補封密，同一個位置只可以修補一次。就算強行再修補，都只能鞏固玻璃結構，視覺效果會大打折扣。呢類個案我哋一般都唔會接。

第一次就做啱，係保住原廠玻璃嘅唯一機會。

DIY 補玻璃套裝其實 30 年前已經存在，原理同而家嘅套裝差唔多。唯一唔同嘅係，而家科技發達，宣傳影片後期剪接像真度極高，令用家以為補玻璃真係好容易。

最誇張嘅係，我哋見過一段宣傳片，修補前後根本係兩個位置 — 修補前拍攝一個真實破損位，修補後拍攝另一個從來冇爛過嘅位置，令消費者誤以為效果真係咁完美。

網上教學片經過剪接、調光、甚至換位拍攝，實際效果同影片示範可以相差十萬八千里。唔好讓精心包裝嘅廣告，成為你塊原廠玻璃嘅催命符。

因為修補工具先天不足、材料質素差、經驗同技術欠缺，DIY 修補多數係失敗嘅。與其冒險整壞原廠玻璃，不如一開始就交俾專業 — 百威 30 年經驗、原廠認證技術，幫你一次做到最完美。